WAYNE ROONEY KUONEKANA LEO UWANJANI DAR

Timu inayoshiriki ligi ya England , premier league ya Everton itateremka katika uwanja wa Taifa mjini Dar es Salaam leo jioni kupambana dhidi ya klabu ya Gor mahia ya Kenya katika mchezo wa kirafiki uliotayarisha na kampuni ya Sportpesa ya mjini Nairobi. 

Kivutio kikubwa katika mchezo huo utakaofanyika jioni ya leo ni mchezaji wa zamani wa klabu maarufu ya premier ligi ya England Manchester United na timu ya taifa Wayne Rooney ambaye amejiunga na klabu yake hiyo ya zamani kwa msimu ujao. 

Mchezo huo kati ya Gor mahia ya Kenya na Everton ya England ni kilele cha michuano iliyoshirikisha timu 6 kutoka Tanzania na Kenya , ambapo fainali ilikuwa kati ya Gor mahia na FC Leopards zote za Kenya na Gor kupata ushindi mjini Dar es Salaam mwanzoni mwa mwezi uliopita.