KAMA ULIDHANI RAIS MAGHUFULI NI MTU WA KUAGIZA IMEKULA KWAKO, MTAZAME HAPA AKIJUMUIKA NA WATANZANIA KATIKA SIKU YA UHURU AKIFANYA USAFI KARIAKOO

Raia nchini Tanzania wameungana na maafisa wa serikali kuitikia wito wa Rais John Magufuli wa kutumia Siku ya Uhuru kufanya usafi.

Mamia ya watu walirauka na kuanza kusafisha baadhi ya maeneo ambayo hujulikana sana kwa kuwa na uchafu na taka kwa wingi.

wachuuzi na maafisa wa baraza la jiji Dar es Salaam asubuhi na mapema walionekana wakifanya usafi katika soko maarufu la Kariakoo.Wengi wamefurahia agizo la Rais.

• Magufuli aamua Siku ya Uhuru iwe siku ya kazi

Waziri Mkuu Kassim Majaliwa pia amefika soko hilo la Kariakoo kushirikiana na watanzania wengine waliojitokeza maeneo hayo jijini dar es salaam.

Rais John Magufuli naye amekuwa kwenye aneo la ufuo wa bahari karibu na ikulu akiwa amevalia glavu.
Katika eneo la Mwenge, wananchi pia wanajizatiti kufanya usafi. Mwandishi wa BBC Regina Mziwanda amewapata wananchi hawa wakiteketeza takataka baada ya kuzikusanya pamoja.

Wakazi wakichoma taka eneo la Mwenge

 

Hata katika maeneo ya kifahari, wananchi wamejitokeza kufanya usafi.