“mwanangu samwel, mimi baba yako nakutakia safari njema pia naomba uwe makini na usome kwa bidii maana una mzigo mkubwa sana mbele ya safari kama mtoto wa kiume” aliongea baba yake samwel huku akimkazia macho mwanaye.
Baada ya kimya cha muda mfupi aliendelea“ mwanangu mimi na mama yako tunakupenda sana na siri ya kukupenda ipo mioyoni mwetu, na kwa kuwa sasa umekua ni vema tukakupa siri ya kukupenda sana samwel, lakini siri hii utaipata mara tu baada ya kukamilisha masomo yako ya chuo kikuu, sisi tukutakie masomo mema” Alimaliza baba samwel na kumtakia usiku mwema.
Maneno yale yalimpa mawazo usiku kucha samwel na kumfanya sasa kukishughulisha kichwa chake kufikiri kila mara pasipo kupata jibu la moja kwa moja, kuna wakati alihisi wakati akizaliwa kulikuwa kuna matatizo katika suala la afya yake, au pengine alikuwa na matatizo mengine tu katika makuzi yake, hakujua na alijikuta akitamani kumaliza chuo siku hiyo hiyo ili aambiwe siri hiyo.
FUATILIA KATIKA "kazenzele1 blog" kuanzia juma lijalo, ni zaidi ya Riwaya...Mtunzi: Denice Denis Kazenzele Baba Arvin
No comments
Post a Comment