WANA YANGA DODOMA WALIVYOJIPANGA KUWASHANGILIA WA KIMATAIFA JUMANNE

Na Mwandishi Wetu

KATIBU msaidizi wa tawi la yanga la mkoa wa Dodoma John Banda amewataka wanachama na mashabiki wa timu hiyo kuhudhulia mkutano wao utakaojadili safari ya jijini Dar jumanne kwa ajili ya kuisapoti timu yao leo.

Akiongea na waandishi wa habari mjini Dodoma Banda alisema kikao hicho ni muhimu kwa wanayanga na wanaoipenda timu hiyo ili kuweza kupanga kuwa wataondoka mkoani humo siku ipi kati ya Jumatatu na jumanne

Alisema mkutano huo utafanyika katika ukumbi wa Master Pub unaotazamana na garofa la Bima Barabara ya mtendeni kuanzia saa 3 asubuhi siku ya jumapili june 26 mwaka huu 

“ndiyo tunakutana jumapili hii wanachama na mashabiki wote wa Yanga katika mkutano maalumu wa kupanga namna ya kwenda jijini Dar kwa ajili ya kuishangilia timu yetu kwani tunajua mashabiki ni sehemu ya mchezo

Mchezo huo ni muhimu sana ukizingatia timu yetu ndiyo pekee inayowakilisha si nchi tu bali na mataifa yote ya Africa mashariki na kati katika hatua ya makundi shirikisho Africa, hivyo niwatake na wenzetu wa matawi mengine nchini kushikamana tukaishangilie kwa nguvu na watanzania kuiombea na hatimaye iweze kufanya vizuri”, alisema