WANANCHI WAFUNGA OFISI YA KIJIJI MKOANI MARA KWA UZEMBE WA TAARIFA YA MAPATO

Wananchi wa kijiji cha Magunga wilayani Butiama Mkoani mara wakishirikiana na baadhi ya wajumbe wa serikali ya kijiji   hicho,wamefanya maandamano kisha kuifunga kwa makufuli Ofisi ya Mwenyekiti wa Serikali ya kijiji chao kwa madai kuwa   uongozi wa kijiji umeshindwa kutoa taarifa za mapato na matumizi katika kipindi zaidi Mwaka mmoja sasa.

Wakizungumza baada ya kuifunga Ofisi hizo za Serikali ya kijiji hicho,wananchi hao wamesema mbali kijiji hicho    kukusanya mamilioni ya shilingi kutoka katika vyanzo mbalimbali zikiwemo fedha za michango ya kutoka kwa wananchi,  lakini uongozi wa Serikali ya kijiji umeshindwa kutoa taarifa hizo za mapato na matumizi huku ukidaiwa kutumia baadhi ya askari wa jeshi la Polisi kuwakamata na kuwafungulia kesi wananchi wanajitokeza kuhoji matumizi ya mabaya ya fedha    hizo za kijiji.

Kwa upande wake Mwenyekiti wa kijiji hicho Bw.Togoro Juma,amekiri Ofisi hiyo kufungwa bila ya kufuatwa kwa taratibu na  kwamba uongozi wa Serikali ya kijiji hicho umeshindwa kutoa taarifa hiyo ya mapato na matumizi kwa madai ya kukosa    muda mzuri wa kufanya hivyo pia baadhi ya wananchi kuwa sehemu ya kikwazo kwa jambo hilo.

 itv.co.tz